My love's love for me...

Hey people.. Im in love.. and following are some few shayaris my love wrote for me..
Hope youll like them..
I too wrote some few.. Will post them in the next posting..


Na koi gila..
Na koi shikhwa..
Na hi hai koi dard...
Phir bhi na jane kyun..
Pyaar ka ijhaar karne mein..
Hai koi ajeeb sa darr..

Doorie aise ho ki doorie ka na ehsas ho..
Lamha aisa ho ki kabhi na raat ho..
Hum apko chahte hai woh theek hai..
Par ap bhi humein utna hi chahte ho..
Aisa bhi kabhi ehsas ho..

Do ajnabi ek raah par mile..
Raah aisi thi ki kadam ruk se gaye..
Na humein khabar thi na unhe..
Kab hum unhe deewana ho gaye..

Yaadon mein aye tum tanha si raat mein..
Raat to tanha thi par Chandni thi sath mein..
Phir saath kuch aisa hua un deewano ka..
Ki khwab bhi sajne lage usi tanha raat mein..

Socha na tha takdir yun zindagi ka rukh mod degi..
Zindagi yun itni khoobsurat lagne lagegi..
Sunna tha ishq mein zindagi badal jaati hai..
Aj mehsus hua iska ehsas bhi zindagi badal sakta hai..

Rishte tutenge kaise jab hath ap jaise humsafar ne thama ho..
Lahme ruthenge kaise jab har lamha apke sath butaya ho..
Zindagi ka kaam tha humein milana..
Mile to kuch is tarah ki har duja lamha begana ho..

Hum pyaar ka raasta na jante the..
Jaante the kaise hum to ise majak mante the..
Par aapne kuch is tarah dastak di..
Ki is raah mein fisal gaye..
Aur ab uthna bhi nahi chahte..

Mehlon ki shehzadi ko shehzade ka intzar..
Darwaze pe tune di dastak to samjhi uska pyar..
Par use kya pata tha pyar ka alag ek ehsas hota hai..
Jo ab har pal uske sath hota hai..

Har ek lamha unki yaad ati hai..
Yaad ati hai jo dil dhadkati hai..
Meri har saans hai unki..
Yeh saansein bhi ab woh ehsaas dilati hai..

Baat dil ki dil mein chupate hai woh..
Saamne ate hai to nazare jhukate hai woh..
Baat hoti nahi ya karte nahin..
Par shukr hai samne aate hai to muskuraate hai woh..

Dekhne ki chah thi chah puri na huyi..
Puri na huyi to kya palko mein duri reh gayi..
Par duri ka ehsas bhi na hua..
Kyunki palko mein use chupaya tha woh yaad gehri ho gayi..

Socha na tha koi itna zaroori ho jayega..
Usse baat kiye bina ek din ek saal ho jayega..
Par khudko yeh soch kar samjha lete hai..
Ki e din ki doorie ke baad unka saath mil jayega..

Kehte hai woh, humein dekha karte the..
Par humari nazare unhe kabhi dekh na saki..
Aur ab khuda ka khel dekho..
Yeh nazare hamesha unhe dhundhti hai..
Par yeh duniya humare raste ka kanta ban gayi..

Ho chuki raat ab so jao..
Ho jai dil ke kareeb uske khyalo mein kho jao..
Kar rahi hu intzar apka..
Khwabo mein hi sahi.. milne to ao..

Kaise batau apse kitna pyar karti hu..
Har pal apko kitna yaad karti hu..
Waqt guzarta nahin apke bina..
Isliye khuda umr bhar sath rakhe yeh fariyad karti hu..

Din guzarte der nahin lagti aur raat aa jati hai..
Is raat ki kashm kash to dekho..
Humein khuli aankh hi sula jati hai..

Hum pyaar kuch is tarah karte hai..
Ki aap bhi humare pyar mein kho jaye..
Umr bhar yun hi sath rahenge..
Is tamanna mein har lanha rosha ho jaye..

Ankho mein nami si cha jati hai..
Jab yeh apko dekh nahi pati hai..
Aur jab dekhti hai to kuch aise..
Ki khud ka deedar pane mein hi sharma jati hai..

Kuch kehna chahte hai hum par keh nahin pate hai..
Dil ke armaan lafzo mein bayan kar nahi pate hai..
Jante hai ki kehna too woh bhi chahte hai..
Par na jaane kyun dono hi is kadr hichkichate hai..

Comments

No response to “ ”
Post a Comment | Post Comments (Atom)

Post a Comment

Increase Page Rank GoogleThis is the collection of poems, shayaris and All that sort of stuff one will enjoy reading This is the site for the shayaris lovers....... blog search directoryBloggers.com - Meet Millions Bloggers